BESTANDDELE:

hoenderstukke gelykstaande aan ‘n hele hoender (sny die borsstukke middeldeur)
minstens 2 hele vars vye (jy kan gedroogde vye ook gebruik) per porsie
botter en olyfolie om hoenderstukke in te braai
250 ml – 500 ml Oranjerivierwynkelders-rooi portwyn
250 ml hoenderaftreksel
4 lourierblare
lekker baie vars tiemie
seesout en swartpeper

INSTRUKSIES:

1. Braai die hoenderstukke in die botter-olyfolie-mengsel tot lekker goudbruin. Skep uit en hou eenkant.
2. Jy kan die portwyn by die pansous voeg – of van voor af sonder die vettigheid in ‘n nuwe pot begin. Voeg die hoenderaftreksel, lourierblare en tiemie daarby en prut totdat alle geure lekker losgekom het. As jy van ‘n dikker sous hou, kan jy 10 ml mielieblom (maizena) met aftreksel meng, byvoeg en deurkook. Geur na smaak met sout en peper.
3. Nét voor die opdienslag: Sny die vye in kwarte en sleep vlugtig deur die sous sodat dit deurwarm raak – maar nie begin konfyt kook nie. Verhit intussen die hoender, skep in ‘n mooi wit, vlak opdienskottel en giet die sous oor die warm hoenderstukke sodat die vye mooi lê. Tooi met vars tiemietakkies en dien op met gekookte aartappels of koeskoes. Slaaiblare hierby is ook goed.